Ziraat Bank Uzbekistan – 30 yoshda
Bugun o‘zining 30 yoshini nishonlayotgan "Ziraat bank Uzbekistan" mamlakatimizning moliyaviy xaritasida xorijiy investitsiyalar ishtirokida tashkil etilgan birinchi tijorat banki hisoblanadi.
U 1993 yilda 2 ta yirik bank - Turkiyaning “Ziraat Bankası” A.Ş. va O‘zbekistonning "Agrobank"i kapitali ishtirokida UTBANK (O‘zbekiston-Turkiya banki) nomi ostida tashkil topdi.
Ikki o‘n yillikda O‘zbekiston-Turkiya banki O‘zbekiston Respublikasining eng muvaffaqiyatli banklaridan biri sifatida o‘zini namoyon etdi.
Buning siri doimiy rivojlanish istagi va jamoaning yuksak professionalligidir. Bu ayniqsa, bank sektoridagi barqaror mavqeimizdan yaqqol ko‘rinib turibdi. Bugungi kunda bank yangi rivojlanish bosqichiga ega bo‘lib, bu bankni yanada muvaffaqiyatli qiladi va mijozlar uchun yangi afzalliklar yaratadi.
Bank faoliyatiga kamida ikkita omil ta’sir ko‘rsatadi. Birinchidan, jahon bank-moliya bozorida o‘zining tajribasi va xizmatlar sifati bilan tanilgan Turkiyaning eng qadimiy "Ziraat bankasi" uning ishidagi elementlarda namoyon bo‘ladi. Ikkinchi omil - Toshkentda akkreditatsiyadan o‘tgan O‘zbekiston-Turkiya qo‘shma korxonalari va Turkiyadagi vakolatxonalarning rivojlanishiga faol yordam berishdi.
O‘zbekiston Respublikasi zamonaviy sanoat-industriyasi rivojlanayotgan davlat sifatida dunyoning yirik ishbilarmon doiralarida o‘zini ko‘rsata oldi va buning barobarida O‘zbekiston-Turkiya banki ham 30 yildan buyon faol rivojlanib kelmoqda.
Bank xorijiy bank sifatida O‘zbekistaon Respublikasi hududida faoliyat yuritar ekan, hukumatning banklar sektorini mustahkamlash borasida olib borayotgan siyosati biz uchun ham muhimdir. Ya’ni mamlakatning har bir bankida yuz beradigan jarayonlarga bevosita ta’sir etuvchi usullar qo‘llaniladi. Bu shuni anglatadiki, biz O‘zbekistonda tasdiqlangan va amalga oshirilayotgan qonunchilik va me’yoriy-huquqiy baza asosida ishlaymiz. Bu bizga faoliyat uchun yetarli va maqbul mexanizmlar va vositalarni ishlab chiqishga imkon beradi, ya’ni oddiy bank xizmatlarining oddiy to‘plamidir. Rivojlangan bank texnologiyalarini qo‘llash, moslashuvchan tariflar, mijozlar biznesining o‘ziga xos xususiyatlariga alohida yondashish ularning jadal o‘sishiga olib keladi. Bu, avvalo, xizmatlar turini kengaytirish, bozor ehtiyojlari asosida yangi bank mahsulotlarini ishlab chiqish va xalqaro standartlarga mamlakatimizda va xorijda xizmat ko‘rsatish doirasida o‘z mijozlari ehtiyojlarini o‘z ichiga oladi.
2017 yil 30 noyabrda Turkiyaning “Ziraat Bankası” A.Ş. «UTBANK»ning "Agrobank" OAJdagi 50% aksiyalar paketini to‘liq sotib olishi hisobiga O‘zbekiston-Turkiya bankining to‘liq sohibi bo‘ldi.
Mazkur bitim tuzilganidan so‘ng, "UTBANK" OAJning yagona aksiyadori hisoblangan Turkiya Respublikasi Davlat Banki hisoblangan "Ziraat Bankasi" bankning nomini "Ziraat bank Uzbekistan" deb o‘zgartirish to‘g‘risida qaror qabul qildi.
Turkiya tomonidan investitsiyalarning kiritilishi - O‘zbekistonda investitsiya muhitini yaxshilashga qaratilgan va rivojlantirish strategiyasidan bir yo‘nalishni amalga oshirish bo‘yicha olib borilayotgan ishlar natijasidir.
Oxirgi yillarda O‘zbekistonda Ziraat Bank Uzbekistan o‘zining geografik faoliyatini kengaytirishni rejalashtirmoqda. Hozirda Toshkent shahrida 2 ta bank ofisi va 1 ta korporativ mijozlarga xizmat ko'rsatish ofisi muvaffaqiyatli faoliyat yuritmoqda. 2020-yilda Samarqandda, 2021-yilda Farg‘onada, 2022-yilda Andijonda, 2023-yilda esa Buxoro shahrida filiallar ochildi.
Yaqin kelajakda Namangan, Navoiy, Jizzax, Urganch va Toshkent shahrining Sergeli tumanida bank ofislari ochish orqali mamlakatimiz hududining 80 foizini qamrab olish rejalashtirgan.
Ma’lumot uchun: "Ziraat bank Uzbekistan" ning yagona aksiyadori - Turkiya Respublikasi Davlat Banki hisoblangan Ziraat Bankası A.Ş. 160 yillik tarixga ega va ayni vaqtda Turkiyadagi eng yirik kredit tashkilotidir. Bankning Turkiyada 1 800 dan ortiq filiallari mavjud bo‘lib, o‘z mijozlariga korporativ, savdo, qishloq xo‘jaligi va chakana xizmatlari bo‘yicha bank xizmatlarini taqdim etadi.
Ziraat Bankası A.Ş. milliy va xalqaro darajada kuchli moliyaviy tashkilot. Uning 18 mamlakatda filiallari va sho‘ba banklari mavjud.
Bundan tashqari, "Ziraat Bank Financial Group" moliyaviy guruhi tarkibida moliyaviy lizing, nafaqa fondlari, sug‘urta, ko‘chmas mulk, investitsion bank va axborot texnologiyalari kabi sohalarda faoliyat yuritayotgan yirik moliyaviy muassasadir.