Chakana kredit berishning umumiy shartlari

ЧАКАНА КРЕДИТ АЖРАТИЛИШИ ВА/ЁКИ ҚАРЗДОР/ КАФИЛ СИФАТИДА ҚАБУЛ ҚИЛИНИШИ МУМКИН БЎЛГАН ЖИСМОНИЙ ШАХСЛАР

Банк томонидан қуйида белгиланган жисмоний шахсларнинг чакана кредит буютмалари қабул қилиниши мумкин. Шунингдек, ҳамқарздор, кафиллар учун ҳам қуйидаги қоидаларга риоя қилинади: 

1. Доимий равишда маош ва ҳақ оладиган жисмоний шахслар:
  • Давлат ташкилотлари ходимлари,
  • Хусусий секторда меҳнат қилаётганлар.

2. Аризачининг ишлаётган корхона ёки ташкилотни фаолият даври камида 1 йил бўлганлиги, шунингдек, кишининг кўрсатилган иш жойида сўнгги 6 ой давомида узлуксиз рағбатлантирувчи тўловлар олган бўлиши лозим.

3. Сўнгги 6 ой давомида фаолият кўрсатган якка тартибдаги тадбиркорлар.

4. Сўнгги 6 ой давомида фаолият кўрсатган корхонанинг таъсисчилари ва иштирокчилари.

5. Ижарадан даромад олаётган ва омонатчи бўлган Банк мижозлари.
  • Фоиз даромади олаётган мижозларнинг омонати миқдори қадар маблағларини узлуксиз охирги 6 ой давомида Банкда сақлаши лозим.
  • Ижарадан даромад олаётган мижозларнинг ижара даромадлари Банк орқали амалга оширилиши лозим.

6.Ўзбекистонда истиқомат қилувчи чел эллик шахсларга, Ўзбекистон фуқаролигининг мавжудлиги ва Ўзбекистон фуқароси бўлган бир кафил олиниши шарти билан кредит ажратилиши мумкин.

7. Пул маблағлари гарови билан ажратиладиган кредитларда юқорида белгиланган шартлар амал қилмайди.

ЧАКАНА КРЕДИТ АЖРАТИЛМАЙДИГАН ВА/ЁКИ ҚАРЗДОР/КАФИЛ СИФАТИДА ҚАБУЛ ҚИЛИНМАЙДИГАН ЖИСМОНИЙ ШАХСЛАР ВА ИСТИСНОЛАР

Ўзбекистонда истиқомат қилмайдиган Ўзбекистон фуқаролари;

  • Банкда ва/ёки бошқа банкларда ўзининг ва/ёки турмуш ўртоғининг муддати ўтган қарздорлиги мавжуд шахслар;
  • 18 ёшга тўлмаган шахслар ва/ёки қонунчиликка мувофиқ балоғат ёшига етмаганлар, (Бу шахсларга боқувчи, васий орқали ҳам кредит ажратилмайди);
  • Ҳисобрақамларига тақиқ қўйилган ёки кредит тарихи салбий бўлган шахслар;
  • Банкда ва/ёки бошқа банкларда очилган суд даволари мавжуд корхоналарнинг таъсисчилари, иштирокчилари ҳамда мазкур корхоналарнинг ходимлари;
  • Муаммоли кредитлари мавжуд шахслар, (Бу шахсларга янги кредит ажратилмайди, мавжуд кредитлари муддатидан олдин ундирилади);
  • Банкда ва/ёки бошқа банкларда муаммоли кредит сифатида ёпилган охирги кредит ёпилиш санасига 6 ойдан кам вақт ўтган шахслар;
  • Талаб этилган кредит муддати (йиллик) бўйича ёши 60 дан ортиқ бўладиган шахслар;
  • Микроқарз (овердрафт) олиш бўйича мурожаат этилганда ёши 60 дан ортиқ бўладиган шахслар;
  • Банкнинг Кузатув кенгаши ва Тафтиш комиссияси аъзолари ҳамда банк ходимлари, амалдаги қонунчиликда белгиланган шартлар асосида ажратиладиган кредитлар мустасно;
  •  Автокредит ажратилишида, ҳақиқатда автомашина олиб сотиш ва автомашина ижараси билан шуғулланаётган шахслар;
  • Ишончномага асосан кредит ажратиш учун мурожаат қилган шахслар;
  • Кўчмас мулк сотиб олиш бўйича кредит ажратилишида, кўчмас мулк олиб сотиш ва қуриб сотиш иши билаш шуғулланаётганлар ҳамда бундай шахслар билан бир хатар гуруҳида бўлганлар.

Бу шахсларнинг мазкур кўчмас мулкни шахсий эҳтиёжи учун сотиб олишини баён этиши ҳамда Банк томонидан ҳам маъқулланган ҳолда, бу кредит ажратилиши мумкин.

08/05/2021