Банк Бошқарув Раиси
Ҳурматли ҳамкасблар, ҳамкорлар ва мижозлар!
Молия сектори жадал ривожланиб бораётган ва рақамли таҳдидлар ортиб бораётган бугунги шароитда “Ziraat Bank Uzbekistan” АЖ шаффофлик, этика ва коррупцияга қарши хулқ-атвор масалаларини ўзининг стратегик миссиясининг ажралмас қисми сифатида кўради.
Биз қатъий ишонамиз: банкка бўлган ишонч ҳалоллик ва очиқликдан бошланади. Шу муносабат билан Банк томонидан ҳуқуқбузарликларнинг олдини олиш ва мижозлар ишончини таъминлаш йўналишида тизимли ва изчил равишда амалга оширилаётган асосий чора-тадбирларни таъкидлаб ўтмоқчиман:
- Тўғридан-тўғри ва аноним алоқа канали. Барча филиалларда коррупция ҳолатлари бўйича аноним хабар бериш имконини берувчи канал фаолият кўрсатмоқда. Биз ҳар бир мурожаатнинг тўлиқ махфийлиги ва холис кўриб чиқилишига кафолат берамиз. Бу очиқ корпоратив маданиятни шакллантиришда муҳим қадам ҳисобланади.
- Мижозлар олдида очиқлик ва ҳалоллик. Банк маҳсулотлари ва хизматлари ҳақидаги барча маълумотлар тўлиқ ва тушунарли шаклда тақдим этилади, ҳеч қандай яширин шартларсиз. Бизнинг мақсадимиз — ҳар бир мижоз молиявий қарорни барча зарур маълумотга эга ҳолда қабул қилиши.
- Хизмат кўрсатиш сифатини назорат қилиш. Банкда “махфий мижоз” усули орқали доимий текширувлар ўтказилади. Бу хизмат кўрсатиш даражасини холис баҳолаш, стандартлардан оғиш ҳолатларини аниқлаш ва уларни тезкор бартараф этиш имконини беради.
- Профилактика ва ўқув дастурлари. Ходимлар учун мунтазам ўқув тренинглари, ички маърифий кампаниялар ва тарғибот тадбирлари орқали шаффофлик, адолат ва ҳуқуқий масъулият тамойилларига садоқатли муносабат шакллантирилмоқда.
Биз “коррупцияга нисбатан ноль толерантлик” тамойилини жорий этдик. У нафақат ички қоидаларимизда, балки кундалик бошқарув амалиётида ҳам мустаҳкам ўрин эгаллаган. Коррупция ёки ноэтик хатти-ҳаракатнинг ҳар бир ҳолати, ходим лавозимидан қатъи назар, холис текширилади. Жавобгарлик — шахсий ва мажбурийдир.
Барчангизга мурожаат қиламиз: агар босим, суиистеъмол ёки қоидабузарлик ҳолатларига дуч келсангиз — бизга хабар беринг. Сизнинг фаоллигингиз адолатли, хавфсиз ва очиқ молиявий муҳитни яратишга ҳисса қўшади. Коррупцияга қарши курашиш — бу ҳам банкнинг, ҳам жамиятнинг барқарор ривожланиши учун умумий бурчимиздир.
“Ziraat Bank Uzbekistan” АЖ ўзининг ижтимоий ва касбий масъулиятини тўлиқ англайди. Биз келгусида ҳам фаолиятимизни ҳалоллик, ҳисобдорлик ва адолат қадриятларига таянган ҳолда амалга оширишда давом этамиз.
Ишончингиз ва ҳамкорлигингиз учун миннатдорчилик билдираман.
Ҳурмат билан,
Волкан Гюлдюрмез
Бошқарув Раиси
Ziraat Bank Uzbekistan
Уважаемые клиенты!
Ziraat Bank Uzbekistan придаёт большое значение вопросам прозрачности и честности в своей работе. Мы последовательно противодействуем любым проявлениям коррупции.
Если вам стало известно о случаях злоупотребления служебными полномочиями или иных нарушениях антикоррупционного законодательства, вы можете сообщить об этом следующими способами:
• Телефон доверия: 78-150-43-31
• Электронная почта: anticor@ziraatbank.uz | murojaat@ziraatbank.uz
Вся информация о заявителях будет сохранена в строгой конфиденциальности. Каждое обращение рассматривается в установленном законом порядке, а по подтверждённым фактам будут предприняты необходимые меры в рамках действующего законодательства.
Ваше содействие помогает нам укреплять честность и справедливость в банковской сфере и в обществе в целом.